აუდიტი

  ორგანიზაციამ თავად გამოყოს თანამშრომელი(ები) და უზრუნველყოს მისი/მათი სწავლება, რაც დაკავშირებულია გარკვეულ ხარჯებთან და დროსთან. ასევე არავინ არის გარანტირებული, რომ სერტიფიკატის მისაღებ გამოცდას წარგზავნილი თანამშრომელი წარმატებით ჩააბარებს. სერტიფიკატის მიღების შემთხვევაშიც ორგანიზაცია ასევე არ არის დაზღვეული, რომ სერტიფიცირებული თანამშრომელი არ გადაწყვეტს სამსახურის შეცვლას და ეს ძალაუნებურად კვლავ წარმოშობს ახალი თანამშრომლის სწავლებისათვის მატერიალური რესურსის და დროის ხარჯვის საჭიროებას. გარდა ამისა გასათვალისწინებელია, რომ სერტიფიკატის აღება არ ნიშნავს, რომ პიროვნებას პრაქტიკული გამოცდილების გარეშე ხელეწიფება შრომის უსაფრთხოების მიმართულებით პროცედურების დამოუკიდებლად ჩატარება და დოკუმენტაციის შექმნა. სერტიფიცირებული თანამშრომლის მიერ მისი ვალდებულებების შესრულება გულისხმობს, რომ ორგანიზაციას ფაქტობრივად მოუწევს მის წინა პოზიციაზე ახალი თანამშრომლის დაქირავება, რადგან ორივე ფუნქციის რეალურად შესრულება თითქმის წარმოუდგენელია. ამდენად ორგანიზაციას უწევს შემდეგი ხარჯების გაწევა: 1. თანამშრომლის სწავლების დაფინანსება; 2 სერტიფიცირების შემდგომ გადამზადებული თანამშრომლისთვის ხელფასის გაზრდა ან მის ძველ პოზიციაზე ახალი თანამშრომლის დაქირავება.

   ორგანიზაციამ ისარგებლოს კომპანიის მომსახურებით, სადაც დასაქმებულები არიან შესაბამისი სერტიფიკატის მქონე პირები, რომლებიც მხოლოდ აღნიშნული საქმიანობით არიან დაკავებულნი და სისტემატურად იძენენ თეორიულ ცოდნასა და პრაქტიკულ გამოცდილებას, რომ ხარისხიანი მომსახურება გაუწიონ ორგანიზაციებს. ასეთ შემთხვევაში ორგანიზაცია დროის დაკარგვის გარეშე იღებს სრულ და ხარისხიან მომსახურებას შრომის უსაფრთხოების დარგში, რაც საბოლოოდ მეტად იაფი უჯდება ვიდრე თანამშრომლის გადამზადება ან/და ახლის დაქირავება და მეტად არის დაცული მაკონტროლებელი ორგანოების მხრიდან ადმინისტრაციული სახდელების დაკისრებისგან.